劇本早已寫好，上帝早已預備！阿仙奴兩回合以同樣比數 5:1 俾拜仁慕尼黑大炒，總比數 10:2 於歐聯十六強出局，而隨住聯賽已差不多成為車路士囊中物，得返足總盃可以爭，隨時又係一個四大皆空嘅球季。執教 20 年嘅雲加季尾仲有無得續約？相信係阿迷的話，應該都支持管理層另聘高明，只係英超其他 19 隊的球迷都希望佢留低，無咗雲加嘅英超，一定少咗好多話題、少咗好多歡樂。
英超
|共56篇|
利雲：李斯特城再創奇蹟？
終於、終於，FIFA最佳教練都要放棄喇！李斯特城宣佈炒領隊雲尼亞里。再唔炒，就唔洗再炒啦，因為英超已經完成咗三分之二嘅賽程，而身為上季神奇球隊李斯特城由天堂跌落地獄，飽受降班威脅，打破上屆車路士創出嘅多項最差衛冕冠軍成績，暫時同榜尾嘅新特蘭只係相差兩分，炒領隊係顯示管理層防止降班收場嘅決心。李斯特城今季究竟出咗咩問題？
利雲：利記返生？
上星期英超最令人振奮嘅比賽當然係利物浦 2:0 擊敗熱刺，終於打破 2017 年嘅差劣走勢，贏返一場，相信有助提升一下士氣。尤其係踢完非洲國家盃歸隊嘅文尼對球隊幫助唔少，起碼佢嘅變速同個人突破可以撕破密集、幫球隊打破悶局。單計對熱刺嘅上半場，已經有四次嘅入波機會，如果佢把握力好啲，踢完上半場已經可以完場。有好多人話利物浦返生喇！事實上又係唔係咁易呢？
方俊傑：曼聯追過熱刺阿仙奴？
熱刺剛好相反，去季季尾兵敗如山倒仍歷歷在目，今季不似去季有明顯追逐目標，樂觀看，壓力可能減細，悲觀看，動力也會減細。正選陣容跟替補陣容的實力，差距太明顯，也是一大弊病。試想像，只要迪利亞里狀態稍稍下滑，熱刺的戰鬥力將會削弱幾多？
方俊傑：大膽下注李斯特城包尾
去季奇蹟奪冠後，都知道李斯特城今季的路很難行，季初避得過星散，占美華迪與馬列斯肯留隊，只走了尼高路簡迪，以為保到去季的七、八成水平，也可力保中游。點知，散晒。班底不足夠同時兼顧歐聯，成功晉身歐聯十六強階段，將會是球隊在英超的催命符。失去尼高路簡迪的影響力，也比想像中巨大，而且大得多。沒有一個在中場攔截和掃蕩的英超最強，直接影響球隊的攻守平衡。
利雲：哥迪奧拿轉死性？
上周英超 Big Six 得榜首車路士同阿仙奴順利攞足三分，而車路士已經稍稍拋開其他五隊帶出一個身位。要數上周最不幸嘅一隊，筆者就會揀對住熱刺嘅曼城，喺呢場強強對碰之中，唔計球證嘅爭議判決，曼城贏曬點數，哥迪奧拿做足功課，奈何球隊最終都俾人迫和，失分而回。
利雲：假如雲加想做費格遜
臨近聖誕快車，阿仙奴錄得兩連敗，連續兩場先勝後敗俾愛華頓同曼城，俾利物浦同曼城趕過，結果又回到熟悉嘅位置，雲加同阿仙奴球迷又繼續俾人抽水喇！睇咗差不多半季，阿仙奴又開始踏上熟悉的軌跡，好多人話係魔咒，其實更多係雲加嘅管理手法做成。講真，阿仙奴今季表現已經算唔錯，歐冠盃首名晉級（雖然十六強要對拜仁）、聯賽一直保持喺前列爭標位置，而且梅斯達菲加盟，令後防表演愈來愈穩定，呢份成績表絕對合格有餘。但係相信球迷已經覺得合格咗咁多年，需要突破，咁就要睇雲加會唔會突破自己喇！
利雲：曼城四弊
上周英超最矚目係華迪今季首次連中三元，協助李斯特城 4:2 殺退曼城，如果唔係比賽末段連入兩球，哥迪奧拿可能嚐到登陸英超後嘅最大敗仗。經過咗季初聯賽六連勝嘅強勁走勢，俾熱刺擊敗後，曼城走勢開始反反覆覆，近期更加陷入小低潮，好彩周中 2:0 贏咗屈福特，暫時回一回氣，但嚟緊兩個星期，先後要對阿仙奴、利物浦兩隊直接競爭對手，萬一有咩閃失，可能俾落後三分嘅熱刺趕過。究竟曼城今季有咩問題呢？
利雲：車路士好波不如好運
上周英超榜首大戰，車路士作客反勝曼城 3:1，延續 343 陣式嘅連勝強勢。賽後有唔少花生，媒體焦點都落喺臨完場施展奪命鉸剪腳被逐嘅阿古路、叉頸嘅費蘭甸奴、或者摑人嘅法比加斯身上，但場波其實仲有好多野睇，今次筆者想講下哥迪奧拿嘅排陣。
利雲：贏在起跑線嘅熱刺
上周英超最矚目嘅莫過於倫敦打吡，由挾六連勝氣勢嘅車路士主場對住今季聯賽唯一不敗之師嘅熱刺，結果熱刺破咗車路士嘅 601 分鐘不失球紀錄，車路士就破咗熱刺嘅聯賽不敗身。睇完呢場波，筆者覺得最大睇頭係熱刺領隊普捷天奴。普捷天奴係近幾季英超冒起得最快嘅領隊，由修咸頓到熱刺，好多球評家、球迷對佢嘅領軍能力都眾口稱譽，讚嘅多、批評嘅少。筆者對佢嘅能力都深表認同，只係認為呢場波顯示到佢嘅局限，如果佢能夠克服，就應該可以更上一層樓。
杜夫：由英超播映權說起
過去呢個禮拜，雖然無英超賽事，但唔少球迷都過得驚心動魄，因為奪得英超、NBA 等體育節目香港播映權嘅樂視突然傳出資金危機，被指欠債 500 億元，更拖欠 100 億元，有爆煲危機，需要裁員、停止擴張、以至撲水救亡，最後搵到富商投資 6 億美元，暫時解決燃眉之急。一旦樂視有咩冬瓜豆腐，球迷們都咪話唔驚，隨時提早收咧，下半季未必有得睇。
利雲：以天才之名
如果人生有四季的話，莫耶斯的春天應該喺接手曼聯果一刻（唔係果一季）已經完咗。想當年，以低價買入物超所值嘅卡希爾、積基卡等骨幹、帶領中型班愛華頓衝擊前四位置，令莫耶斯深得同為蘇格蘭人嘅費格遜讚賞，欽點為曼聯領隊接班人，結果執教短短一季，就黯然下台，留低嘅只有九九八十一斬嘅傳奇、同埋「莫天才」嘅嘲笑聲！
利雲：數字遊戲
上個禮拜，摩連奴首次帶領曼聯重返史丹福橋，結果捧四蛋而回，仲要賽後捉住干地傾偈，俾輿論話佢輸唔起；另一邊廂，干地自從大敗俾阿仙奴之後，一改球隊近三季踢嘅 4231 陣式，改踢 343 陣式，結果連續 3 場聯賽順風順水，3 場全勝零失球，似乎搵到一個最啱隊波嘅陣式，令車路士爬返上聯賽嘅爭標行列，究竟呢個 343 陣式有咩特點呢？
利雲：為何熱刺完勝曼城？
啱啱踢完嘅英超榜首大戰，熱刺主場對曼城，結果熱刺 2:0 淨勝曼城，如果唔係林美拉嘅十二碼俾巴禾撲出，曼城隨時輸得仲甘！曼城六連勝終於斷纜，熱刺成為英超唯一不敗之師，追至落後曼城一分。睇返場波，熱刺基本上踢完上半場已經可以收工。
利雲：車路士的三大問題
英超車路士又輸一場！繼打和史雲斯 2:2、輸俾利物浦 2:1 之後，再慘敗喺阿仙奴腳下 3:0，聯賽連續三場不勝，仲有對阿仙奴果場，如果唔係半場已經勝負分明，阿仙奴稍稍縮後黎踢，車路士隨時輸得仲甘。經過咗季初三連勝後，陷入一個小低潮，令人關注車路士會唔會再一次淪為中游球隊？踢咗幾場波，觀察到車路士有幾個大問題要執。
利雲：勇於求變，先有希望
早兩個星期，筆者講曼市打吡，話曼聯條脊骨好過曼城，跟住曼聯就即刻陷入三連敗嘅小低潮；而另一隊季初開得唔錯嘅車路士亦新敗於利物浦腳下，而家英超得返曼城一隊全勝之師！睇完曼聯同車路士嘅敗仗，筆者最大感觸係抱殘守缺只係等死，足球場上要勇於求變先有希望！
利雲：曼市打吡
今季英超最矚目嘅大戰即將上演，無錯，講緊嘅就係黎緊嘅曼市打吡喇！哥迪奧拿來到英超之後第一個真正考驗，將會遇著冤家摩連奴執教嘅曼聯，由西甲鬥到英超，火藥味應該特別濃，不容錯過。
杜夫：大衛雷斯愛回家
今個夏天嘅轉會窗終於關上，英超當然又係今次嘅大戶啦，總共豪洗咗逾 11 億鎊，咁除咗幾單天價交易之外，最多人留意嘅自然係多宗「愛回家」交易！好似有普巴天價回曼聯、莫拉達重返皇家馬德里、葛斯重投多蒙特、曉姆斯回歸拜仁慕尼黑，而最令筆者驚訝嘅係，車路士標尾會以 3,400 萬鎊回購大衛雷斯呢單交易。
杜夫：英國奧運大獲全勝，英國足球呢？
為期兩個禮拜嘅里約熱內盧奧運就咁完咗，又要再等 4 年喇。今屆賽事最可喜嘅係中國唔駛再屈居美國之下做「千年老二」，最慘嘅係中國係屈居埋英國之後排第三。英國奧運大獲全勝，咁英國足球呢？
利雲：高普定雲加？俾你會點揀？
英超話咁快又開鑼，無論賽前定賽後，第一輪賽事嘅焦點一定係阿仙奴對利物浦呢場比賽，可以一次過睇曬兩隊強隊嘅狀態，加上兩隊大手交易、快上快落，娛樂性十足，球迷們應該收貨。今場勝負只係一線之間，同兩隊今個轉會窗嘅操作有關。