連溫度也提醒我們，去年此刻，遍地花開，一浪接一浪的政治漩渦。警察明刀明槍威脅每個市民的生活，感覺失眠的日子又要回來了，和朋友食飯也要格外小心，要回到運動時的保護模式，一個不留神，遇上「朋友」大放厥詞，如果拍枱離場，真是有失斯文。（戴定頭盔，我也認識很多外國回流的黃絲。）
話說近期有兩次吃飯都遇上外國回流的朋友，對話通常是這樣開始的：
我：「餐廳真係好慘，唔知點算。」
佢：「咪係囉，而家仲話要 Protest，Fucking Hell，唔好再搞到香港立立亂啦，嚟緊佢哋又乜乜乜乜乜。」
我：「吓，好似係香港政府搞到咁亂喎。」
佢：「香港係資本主義，自由社會，本來係好好㗎啦，比嗰班人搞到乜乜物物乜。」
他們的論調，大概你也聽過無數次，無謂重複。其實由去年至今，我已經聽過無數次身光頸靚、聰敏、高學歷、家底好的靚仔靚女，說出這些叫人難以信服的話。基本上和我老竇在 WeChat 收到的訊息一樣，例如黃之鋒一定收咗錢，香港好地地做咩搞啲咁嘅嘢。無論是 ABC／CBC／BBC，八成都係藍絲。就這個問題，我認真思考過，身邊的朋友也陸續給了一些 insight，你們覺得是否正確？身邊又有沒有這樣的人？
1. 公務員後代
- 去外國讀書，特別是英國，父母多數是公務員，因為有政府資助，it says it all。
2. 對中國的印象來自父母
- 由於在外國讀書，他們對於中國或者香港的印象，多數來自父母，當然灌輸孔子學堂的一套，有時我聽他們說話，還以為在聽中年藍絲說話。
3. 香港是度假勝地
- 他們或者一年返來兩次，開開心心過暑假和寒假，和真實的香港距離甚遠。
4. 維護膚色尊嚴
- 在國外，少不免會遇上種族歧視，為了維持膚色的尊嚴，唯有擁戴亞洲和中國人身份，但是他們分不清楚中國和共產黨。熱愛亞洲和中國的文化，擁護自己的權利，不代表要支持共產黨。諷刺的是，這班外國回流的人，往往是甚麼動物權益分子，愛素食瑜伽，講到吃狗肉就嬲，講到新疆人權，就正義凜然，但是批判中國政府、香港問題，就自私精上身。總之，你阻住佢去做瑜伽、去 Soho 飲酒、Family Business 生意唔好，就是你的問題。
5. 多數是既得利益者
- 通常家底不錯，從小到大都唔憂米，眼中只有錢和 lifestyle。如此離地，怎能看到民間疾苦，而且因為過往生活優越，現在面對社會困境，不但罔顧問題源頭，更會怪罪於指出問題的人。
6. 天真豬
- 他們總說我是陰謀論，我說我妒忌你天真，怎麼可以覺得共產黨可信？難道他們去上海當青協政協的時候沒有見識過？人，安逸太久，就會腐爛，就會不想改變。
講個笑話你聽，有次我在 Instagram 上罵政府不封關，有位 ABC 傳訊息給我，說其實香港政府已經做了甚麼甚麼，現在輸入的個案來自歐美，武漢今天可是零個案。我問他為甚麼相信這些數據？他說，中國怎能夠隱瞞 WHO 呢？紙包不住火的吧！
說到這裡，我只能送他一個合十 emoji。
