假如人生是一趟長跑，阿朗一起跑就吃苦頭了。香港中學文憑試放榜時，阿朗望著成績表「頹」了 50 分鐘，便勸自己盡快搵工。一家三口靠任職清潔工的媽媽獨力支撐，他於心不忍：「如果我有嘢做，媽咪就唔使返工咁辛苦養我哋。我都要為家庭出一分力，有責任喺度。」
由工廠、五金舖至圖書館，阿朗屢屢被辭退。「或者我太專心工作啦，有時人哋同我講嘢，自不然都唔理人，只係掛住自己做好嗰樣嘢 ⋯⋯」在學時期，他已被孤立，不知如何重新學溝通技巧；而且家境清貧，自小沒注意外表，「啲頭髮豎晒起嚟，無剃鬚，對鞋爛殘殘，成個樣唔精神」。
2015 年，阿朗參加了由救世軍與國際扶輪 3450 地區合辦的「扶輪青年師徒計劃」。經過職前技巧訓練，他整理好儀容，在社工和扶輪社「生命導師」的指導下，入職富豪九龍酒店任房務員，全職實習三個月。酒店安排的師傅形容他初期「問一句，答一句」，不懂打招呼，迴避眼神接觸，敲門「敲到唔會聽得到咁」。但師傅耐心教他待人處事，又提點他戒掉小動作，表現得成熟穩重一點。同事都友善地指導，讓他很快融入新公司。
一個月後，阿朗的工作表現達標了，牀單不見摺痕，杯面不見指紋。碰見客人，他會高聲說「good morning」，又主動學習新事物。完成實習後他正式獲聘，期望未來在酒店業發展。
有時青年在職場上碰釘，未必因為不夠努力，如果得到適當的提點，他們會跑得更快、更遠。救世軍、國際扶輪 3450 地區和商界合辦的「師徒計劃」，幫助 15 至 29 歲、在過去一年沒有全職工作超過三個月的青年，提供職前啟導課程如面試技巧、目標訂定、勞工法例等，並協助入職為期三個月的實習職位。計劃由三方支援青年，包括救世軍社工、扶輪社的「生命導師」和公司資深員工（師傅）。
「每個年輕人都總有自己嘅目標，自己嘅興趣，自己嘅理想。唔好齋講，要有行動。有啲理想唔可以一年就達成，可能要五年、十年，唔好咁輕易放棄！」阿朗不爭朝夕的輸贏，他今天說得出這句話，是因為有同行者的支持，令他對未來有了希望。
